|
нозил бўлган эди. Демак у, ишора далолати билан жанг қилишга бўлган буйруқни ифодаласа-да, муайян ҳолат ҳақидадир. Бу оят Аллоҳ йўлида жанг қилиш шаръийлигининг баёни эмас, балки фақат озорни даф қилиш учун жанг қилиш шаръийлигини баён қилмоқда. Бу оят билан «Тавба» сурасидаги оятлар орасида қарама-қаршилик йўқдир. Шунингдек, «Тавба» сурасининг оятлари кейинроқ нозил бўлган, шунинг учун бу ерда хослаш ҳам, аввалги оятларга чекланиб қолиш ҳам йўқ.
Агар ибн Абу Афвондан ривоят қилинган: Расулуллоҳ с.а.в. дедилар: «Эй инсонлар, душманга йўлиқишни орзу қилманглар ва Аллоҳдан офият сўранглар. Бас, агар уларга йўлиқсангиз сабр қилинг ва билингким, жаннат қиличлар сояси остидадир» муттафақун алайҳ ҳадисни далил қилишса, айтамизки бу ҳадиснинг сулҳга алоқаси йўқдир. Зеро, ҳадис душманга йўлиқишни орзу қилишдан қайтаради, улар билан жанг қилишдан қайтармайди ёки улар билан сулҳ тузишга буюрмайди. Уламолар ушбу қайтариқ душманга йўлиқишдаги хурсандчиликдан наҳийдир, деганлар. Демак, юқоридаги ноўрин далил қилиш бўлади. Бу ерда далил қилиб келтиришга бошқа уринишлар ҳам борки, улар нафақат раддия, балки зикр қилишга ҳам арзимайди. Лекин биз уларни айрим кимсалар далилларни қандай тўғри келса, шундай тўплашдан парҳез қилмаслигини исботлаш учунгина келтирмоқдамиз. Уларнинг бор ғам-ташвиши Ислом жиҳод, жанг ва кураш дини эмас, балки тинчлик, хавфсизлик, омонлик ва тотувлик динидир, деб исботлашдир. Улар ушбу мавзу хусусида келтирган айрим «далиллари» - Аллоҳ Таолонинг қуйидаги оятлари:
وَآمَنَهُمْ مِنْ خَوْفٍ
– „… ва хавфу хатардан тинч қилди“, [106:4]
حَرَمًا آمِنًا
– „… тинч-осойишта ҳарам (Макка)“, [29:67]
وَهَذَا الْبَلَدِ الأَمِينِ
– „Мана шу тинч-осойишта шаҳар (Маккаи Мукаррамага қасамки)“, [95:3]
وَلَيُبَدِّلَنَّهُمْ مِنْ بَعْدِ خَوْفِهِمْ
– „… хавфу хатарлардан сўнг тинчлик-хотиржамликка айлантириб қўйишни…“, [24:55]
ва Расулуллоҳ с.а.в.нинг мана бу қавлларидир: «Кимки сизлардан ўзининг гуруҳида тинч-осойишта бўлса». Қасамки, бу шариатни ва одамлар ақлларини писанд қилмасликдир.
49-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54